爆徐肇平带女返归!黄淑仪:见过好多个

艺人黄淑仪为网上烹饪节目举行发布会,获袁伟豪到场献花、余慕莲亦有到场支持。问黄淑仪知不知道细仔徐肇平的感情生活?她说:“女朋友多箩箩,我都见过好多个,不过唔知系咪女朋友啦,如果佢话有朋友上嚟,咁我就话好啦,咁我走啰。(佢可能想叫你煮饭?)唔会啦,佢锺意食我煮嗰啲,佢净系锺意食自己煮嗰啲西餐,因为我煮中菜。(咁佢拣女朋友都锺意食中餐定西餐?)我唔知佢口味,不过之前嗰啲都系中国人。”

提到黄淑仪大爆徐肇平不续约无綫而被雪藏,她说:“曾经有咁嘅事,当时我好心痛个仔,一嚟到香港点解要面对咁嘅事,但依家佢喺ViuTV做得几开心,拍紧几个剧。”她又谓徐肇平在加拿大读演艺,觉得他在中国人社会工作会学得较快,教他不可一步登天,亦不可因是其儿子而有优待,教他工作态度好,修炼完演员道德再讲演技。

讲到制作网上烹饪节目,她表示本身自己是电脑白痴,但因为家人在网上看到其《吾淑吾食》的片段反应很好,所以就决定自己做网上节目,觉得自由度较大,今日就会出第一集。问到细仔徐肇平会一齐亮相节目?她说:“暂时唔会,佢依家拍紧《娱乐风云》,如果唔系都拉佢嚟支持,所以今日就有戏里面嘅仔嚟支持。”

讲到她最近荣升奶奶,问到可会教二子徐肇麟的老婆煮餸?她说:“新抱同我交流少啲,因为佢喺律师楼好忙,但佢锺意食我煮嘅嘢嘅,不过我都有整啲食谱,方便上班族可以整。”

本站选取的不少文章素材均来源于互联网,所载内容仅供参考!如有文章无意中侵犯您的权益,请联系我们予以更正。相关合作请发信至2874706225@qq.com。